UFFF….YE WRONG NUMBERS

Telephone aur Cell phone key jahan bohat sy fawaid hain wahan nuqsanat bhi kuch kam nhi. Is ijad ney hamari nojwan nasal ko bigarany main agr koi kasar chor rakhi thi, to wo 24 ghanaton main raat din key free calls aur SMS packages ney pori kerdi hai.

Bhut kum log hon gain jo mobile phone ka sahi istamaal kerty hongain. Agr kahin wrong number lag jai to aur dosri taraf sy koi Nazuk pari ki awaz aey to phr us number ki khair nhi. Wrong numbers per larkiyon aur khawateen ki talaash main bhataktay nojwan larkay ya mard hazrat ko kabhi kabahar asi khawateen say bhi wasta par jata hai jo inhain moun toor jawab dyti hain.

Lekin agr dikha jai to is mamlay main sirf mard hazarat ko qasoorwar tehrana ghalat hoga. Baaz oaqat larkiyan bhe assay kamon main agay hoti hain aur unki is na samjhi ki wajah sy unhain nuksaanat bhi uthana parta hai. Mukahtasar yhi kaha jaskta hai key mobile phone mojuda dor ki ek asi musibaat hai jisny tehzeeb-o-shaistagi ko pa-maal kerdia hai. Wrong numbers per baat krna ksi ka mashghala hai to kci ki adaat aur kisi ka time pass ka zariya hai. Baharhaal jahan tak ho wrong numbers ko nazar andaaz kerdyna chehye. Agr is tarha ki koi bhe ghalti ya koi adaat ya mashghala ho to usy tark krdyna chehye. Ye na ho jsy aj hum dosron ko tang ya mazaq kr rhy hain kal hum khud he isi Mazaq ka hissa ban jain.