SAADGI AUR FASHION MEIN TAWAZUN

Agar hum saadgi aur fashion mein tawazan karein toh iss baat mein koi shak nahi keh jo khubsoorti saadgi mein rehne mein hai woh fashion mein nahi hai.Aik survey report se yeh maloomat saamne ae hai keh Bartania ki khawateen sub se zyada fashion aur makeup par tawaja deti hein.

                   

Darasal haqeeqatan logon ne fashion ko iss qadar apna liya hai keh unhe yeh bhi dehan nahi rehta ke wo jo fashion kar rahi hein wo un par acha lag bhi raha hai ke nahi. Khawateen fashion ki dhun mein sawar fashion krti chali jati hein beghair khud par nazar dale hue,yehi haal makeup ka bhi hai.Bazahir makeup se hamara chehra kuch dair ke liye khubsoorat toh ban jata hai magar iss ko apni zindagi ka hissa bana lena sahi nahi.Hattah ke bahar kaam karne wali khawateen ka khayal bhi yehi hota hai ke agar wo bahar saadgi se nikli toh shayad inko kaam se farigh kardia jaega jab keh wo iss baat se bekhabar hoti hein ke iss tarah wo apna aetemaad khud par se kho deti hein.

Khawateen yeh soche samjhe beghair ke un par kaunsa fashion suit kar raha hai aur kaunsa nahi wo nae fashion ko apnati hein aur us par dil khol kar kharcha karti hein.Yehi haal makeup ka bhi hota hai, makeup mein tezabiyat bhi mojud hoti hai jo jild ke liye nuqsaan de hoti hai aur baaz khawateen purana makeup isteemal karti hai jo jild ke liye elergy ka sabab banta hai.

Agar hum khud ko kuch time tak makeup se dour rakhe aur saadgi ko apna lein toh hamein khud apne andar tabdeeli mehsoos hongi aur is tarah makeup ki adat kum se kum bhi hojaengi.Kiya saadgi mein rehna zayada behtar nahi???