SIRF IKTALEES(41) SECOND KI  ZINDAGI                  

                 
                  Yeh  zindagi ki wo haqeeqat hai jis se har koi agha nahi hai. QURAN PAK main kai makammat se sabit hai ke qayaamat ka aik din 50,000 saal ke brabar hoga, jis mein hamara ALLAH ke samne poora pooera hisab kitab hoga. Hum dunya ki zindagi ki baat kare toh sirf PAKISTAN mein logon ki umar taqreeban 45 baras hoti hai yani 49 saal ko 50 hazaar saal ke aik din se mawazna karein toh taqreeban hamari zindagi 1.5 minute ki banti hai aur is mein bhi hum adhi umar sone mein guzar dete hai toh peeche sirf iktalees second bachte hain.

       

                 Inn iktalees second par bhi amaal ke mutabiq hum jannat ya jahanum ke haqdar honge. Kitne afsos ki baat hai ke hum apni 41 second ki zindagi mein bhi aik dosre se munafqat , hasad karne, jhoot bolne, ghalat raste pe chalne aur aik dosre ki tang khenchne mein guzar dete hain. Haqeetan mout aik haqeeqat hai sub jante hain ke hamara hisab MALIK-UL-MOUT yani mout ke farishte nazar ane se shuru hojata hai aur usky baad qabar mein hisab kitab liya jata hai.

                

       Afsos! Hum apni is arzi zindagi main is qadar kho gye hain key hum apni mout ko bhool gye hain. Aj hum is choti si zindagi mein bhi jhoot bolne ko apna farz samjhte hain. Bare choto ki tameez karna bhool gae hain aur sirf 5 waqt ki namaz ko apna ISLAM samajh bethe hain. Akhir kiun humne apni 41 second ki zindagi ko sheetan ke supurd kar diya hai? Akhir kiun hum 41 second ke har second ko QURAN-o-SUNNAT ka tabah nahi banate? Zara sochiye! 41 second mein humne kitne second kaha aur kaise guzare aur aaj hum kaha khare hain aur qayaamat ke din ke liye kitne tayaar hain?????