Malala Series

MALALA SERIES

Malala yousafzai ka name ab kci taruf ka mohtaj nhi raha. 2009 main sawat operation main Taliban ki goli ka nishana banany wali ek aam larki na sirf qomi bulky bain-ul-aqwami media k lye "Chocolate Cake" ki hasiyat rkhti hai. Aj Malala k name sy anay wali her khabr eham ban jati hai. Malala Funds k nam pr kai million dollar’s ki imdad b hasil ker chuki hai. Ek aam larki na sirf qomi bilky bain-ul-aqwami satah py bhe siyasat-dano k lye khud ko promote kerny ka zariya hai.

 Ek waqt tha jb is mulk ki qoam ny Malala ko apny sar py bithaya tha, usy izzat sy nawaza tha aur aj usi qoam ki ek bari tadad asi hai jo Malala ko "DRAMA QUEEN" k nam sy pukarti hai. Sawal ye hai k ismain kis ka qasoor hai? Nobat yahn tak i kesy k Malala sub ki mohabaton sy subki nafaraton ka shikar hogai? Aj ek tabka iska himayat kerta hai or ek iski mukahalfat kerta huwa nazar ata hai. Isky himayati issy taleem ki Devi, Qoam ki Beti aur na janay kin kin Alqabaat sy nawaztay hain. Jub k usky mukhalfat usy Drama aur Mulk ki badnami ka bais, Gadari, Americi Agend or na janay kia kia pukarty hain. Magar hakeeqat hai k hiamayti or mukhalfat kerny walon k pass apni apni baton k shawahidaat (clues) mojud hain.

Abhi kuch arsa pehly ki baat thi k Social Media py Malala achi hai, buri hai, sahi hai ya galat hai py bhas chalrhi thi. Qalamdan apny apny nazariyat aur moshidaat ki roshnia sy saafo ko surkh kr rhy thy k darmiyan main ek nai cheez agai, wo thi Malala ki likhi hui kitab “I AM MALALA”. Aur ye kitab perhnay sy zayda is per ki gai Tanqeedon aur Tajziyon ki badolat zayda mashoor hui. Agr Malala ek sach Pakistani hai to wo kitab kahin sy b ek Pakistani Nazariyat, Jazbaat aur Ehsasat ko numaya nhi kr rhi bilky Mukahalif Jazboon ko zayda numaya kr rhi hai.

                                                    

Kitab main kai maqamaat asay hain jin se na srf Pakistaniyon ki dil azari hoi bilky musalmano k dilon ko bhe shadeed thees pohnchi, jase k: Kitab main Malala ka ek bayan “Main Ek Sawati Hoon Aur Phr Ek Pakistani Hun" ko bht nomayan kia gaya hai. Kitab ki har nai baat k shuru main ek Pashto shair likha gaya hai. Islamic Culture k parday ko “Qayanosi” qarar dia gaya hai.

khair abhi ye mamala khtm na hwa tha k Mamla ka ek aur dhamaky dar episode nashar hogya jiska nam tha “NOBLE PRIZE”. Pehly wo ye Noble Prize hasil krny main na-kaam rhi thi aur ye prize ksi Falahi adary k pass chala gya per ab dosri bar Malala akhir kar kamyab hogai. Malala aur haar jai…NA MUMKIN… aur phr sy Malala ny pori media ko Islam-o-Paksitan k khilaf zehar ugalny ka aur Pakistani khabron, Talk shows aur Akhbari columns ko apny haq ya mukhalafat main qalam ki roshanai istamal kerny ka moqa faraham kia. 

Mere qalam mai Malala k haq mai ya isky khilaf likhne ki na to himmat hai or na he roshanai hai.. han magar us k mutaliq apni aqal k doo char langary ghoray to mai bhi doora sakti hu. Meray khayal mai abhi ka taza mouzon ziyada behtar rehaga key Malala ko NOBEL PRIZE mila. Bhaee pehly to Malala ko Mubarak bad ho, chalo shukar kisi Pakistani ko NOBLE PRIZE to mila. Bhaee hum to kehte hein k muft k lad’do hath ate howe na dekh k halwae hindu hai ya musalman lad’do khane se matlab hona caheye bhaee. Jab hum Sharmeen Obiad Channai ka OSCAR AWARD khush dili k sath qabool kar sakte hein to Malala ka kiun nahi?? Na bhaee ye qoom itne bhi tang nazar nahi hai lakin aqal ek jagah aa kar mar kha rahi hai k bhaee chalo mana k humre han har maidan mai khawateen aagy hein, itna agy hein k mard hazrat maidan chor chuke hein. Adakari se le kr Dehshat Gardi tak, sub kuch humre han khawateen kar chuke hein. Lehaza OSCAR bhi zaanana hatho k zariye hum tak phuncha aur ab to NOBEL PRIZE bhi agya. Chalo ek bat samjh aate hai k Sharmeen Obaid Channai ko OSCAR AWARD mila to usko milna samjh aata hai.  

Usne ek film banae hai jo ek has’sas mouzon par the or har tesaray mulk ka masla hai. Magar Malala??? Us ne aesa kya keya?? Ye bat ab tak samjh nahi aye, agr ye inam usay Talaban ki goli se bachnay par diya gaya hai to mai Judiciary Members ki aqal par pathar marne ka sharaf hasil karna cahu ge, Kiun k agr is bat par award dena hai to award k asli haqdar wo Doctor hein jinho ne operation kar k iski jaan bachaee .Ya phir Pakistani hakoomat ya siyasatdaan jinho ny srf usy bachane mai Croro Dollar kharch kar deye. 

Agr ye NOBEL PRIZE usy  itne mushkil se bach jane par diya gaya hai to mre bhai mere guzarish hai k ap aa kar chand maah Karachi mai guzaren, ap khud he tamam Karachi walo ko NOBEL PRIZE se nawaz dein ge. Agr ye award Malala ko aizazi asnad ki bina par diya gaya hai to janab is tarah to ap Pakistan k un hun-haar(intelligent) talib-e- ilmo ka haq mar rahe hein jo har sal A Levels or O Levels mai apky hazaro talib-e-ilmo ko pechay chor kar khud position lete hein. Aur agr ye inam usay Falahai kamo par deya gaya hai to koi mujhe aa kar Malala ka ek falahai kam bata dy.. Siwae America or Bartaniya mai ghomnay, eham shakisyat se milne k or kon sa kam hai jo Malala ne keya hai. Agr baat sirf filahai kamo ki hai to is mulk main ABDUL SATTAR EIDHI sy zayada kam kci ny nhi kiye hongy, to behtr hoga ap Pakistan aker  inhain b NOBLE PRIZE sy nawazain.

Pori media py Malala k zariye Pakistan k awam ki dil azari aur jazbaat ko majroo kerny waly propaganda bht he aam hain, jisky natijye main awam ka rad-e-amal Malala k lye manfi ata hai aur hmary naam-nihad halkay aur ehlay-elam is per sakht tanqeed kerty hain aur hmain Malal sy hasid wo bezaar qarar dykr hamain “BONAY” qarar dyty hain.

Magar janab agr asa hai to ek baat meri moti aqal ko bata dain k agar ye qoam BONI hai to aj Abdul Sattar Eidhi is qoam k sar py kiun behty hain? Agr  ye qoam hasid hai to isny Sharmeen Obaid k inam yafta honay per jashan kiun manaya? Agr ye qoam apny sy uper kci ko nhi dekh sakti to Arfa Kareem ko kiun palkon py betha rhi hai? Kiun wo aaj bhe  Nazia Hassan jsi hasti ko is mulk main POP mosiki ki MAA mana jata hai? Kiun Moin Akhtar aur Mehdi Hassan ko is mulk-0-sadi ka sub sy bara adaqar manti hai? Kiun Noor Jahan aur Nusrat Fateh Ali Khan ko manty hain? Kiun ye qoam Shahzaib khan jsy ek aam larkay k lye ek VIP khandan sy lar pari? Kiun ye qoam Afia Siddique k lye lar rhi hai? Akhir kiun??????  Mujhy jawaid dain…..agr hum BONAY hain to kiun?????  Kiun ye log wo hain jin ki wjha sy mulk ki badnami nhi hui bulky in logon ny watan ki mitti sy sachi mohabbat ki. Malala ny Europe main jaky kehdia k Pakistan main oraton ko larnay ki ejazat nhi, Taleem lyny py qatal krdia jata hai. Mainy mana k hamry yahn taleem ki sharah kum hai magar asa nhi k bilkul nhi hai. Usny bahir sirf Taliban ki barbiyat ka mozahira kiya… magar americi media ny issy pori duniya main pehla dia k Pakistan main taleem hasil kerny per larkiyon ko goli mardi jati hai. Agr asa hai to Arfa karim jsi larki ko ap kea kahay gain? Aur arfa Siddiqui, nadia Hassan ya sharmeen jesi misalain apky pass bhari pari hain unky baray main apki kia rai hai. Malala k zariye Europi Media ko srf Pakistan k khilaf propaganda krny ka ek zariya mil gaya hai aur waqt-ba-waqt issy istamal kr k Pakistan ko badnam krny ki koshsh krta hai.
 

Malala yousafzai bhe “STAR WARS” ki tarha ek series he hai. Jo k kch arsay baad ek nai season aur nai kahani k sath pesh hota hoi aur her kahani main ek cheez yaksa(ek jesi) hoti hai yani wo Pakistan k mukhalif hoti hai.. Dkhty hain Malala series ka agla season kb ata hai aur kitna business karta hai ??????